ओ पहली सी ईगास कू रिवाज अब नी राई
औ बग्वाली मा स्वाला पकोडो कु स्वाद अब नी रै
अब चोउमिन पीजा बर्गर का
शोकीन ह्वै ग्या हम लोक
ओ पहली सी ऊमी च्युडो
की बहार अब नी राई
ओ पहली सी ईगास कू
रिवाज अब नी राई
ओ भैसी का खरक ओर
झुलदी गाय की दूधै पारी अब नी राई
अब थैली कू दूध ओर
डब्बा कु घी खाकै हम लोक
बीमारी का कुठार बण ग्या
ओ पहली सी ईगास कू रिवाज
अब नी राई
अब हग चोकलेट ओर
वाईलन टायन कु ईन्तजार रेन्दू
ओ पहली सी ब्यी कोथिगो मा
अपणो थे मिलणो जग्वाल
अब खत्म ह्वै ग्या
अब लोक फेसबुक ओर
वटस अप पर ही व्यस्त छी
मोबाईल रोग का रोग ग्रस्त छी
ओ पहली सी खाला मा का
थड्या चोफलो कु उलार
अब नी राई
ओ पहली सी ईगास कू रिवाज
अब नी राई
बहुत खाई ब्यो पौणो की दावत ओर
बडा होटलू का ब्यन्जन
पर औ दूध भात ओर
लुण प्याज दगड्ये रूटी
कू स्वाद कखी नी पै
ओ पहली सी ईगास कू रिवाज
अब नी राई
