भौल बिटि केमा बच्याणं
फजल युंल बूंण चली जांण
ना छुंई ना ठट्टा मजाक
मील भीतर फुण्डु
यखुली रिगणू राण
भौल बिटि केमा बच्याण
फिर वी दिन यखुलिकार
द्वी दिना का मेलू त्यौहार
गौडी मैंगी बान्धी किलै
पैली बिटि नी स्वाचु किले
अब यु दूध घ्यूं कैल खाण
यूं दगडी कतगा
बनी का आणा छिन
भितर भुर्यू भारी हल्ला
भोल बिटि यख फुन्ड
सुनसान हुयूं राणं
कै खुणै बुड़ बुड कैरू
कै थै क्या सुणों
ब्याखुनी ह्वे ग्या
ग्वीलू नी कारू
अब ता कुणा बूड सी
यखुली बैट्यू राण
द्वी दिनै हंसी उलार
द्वी दिना थौल बहार
फैर वन्नी यखुलीकार
फजल पक्का कै
तिन्या बगत वी खाण
भ्वाल बिटि केमा बच्याण
फजल युंल चली जांण
